【自助餐放蛇起底组】九龙湾工业区 $118任食繁忙蒸气锅

2020-06-13 7W访问
出去食蒸气锅,闲闲地都要三四百蚊先落到楼啦,今次我哋嚟到九龙湾工业区,呢间茶记最近租埋楼上,开自助蒸气锅,$118可以食足两个钟,唔收加一,究竟伏唔伏呢?立即去片!

一定要订枱! 蒸气锅 海鲜配料全自助

最早17:30就可以上去食啦 ,附近嘅上班族放工就可以过嚟食啦!小编个日去到,自助蒸气锅先推出咗2日,但店员话俾我哋知已经好多人订咗枱啦,所以想食最好打去book枱先,免得有排等。

所有配料、酱料、饮品都係自助,食得蒸气锅当然要海鲜啦,都有好几款俾你拣,例如蚬、东风螺、花甲、脆鲩、马头鱼等,仲有其他生肉片、杂丸、饺子、菜同麵等等,望落都整齐新鲜。

【自助餐放蛇起底组】九龙湾工业区 $118任食繁忙蒸气锅
海鲜类
【自助餐放蛇起底组】九龙湾工业区 $118任食繁忙蒸气锅
海鲜类+肉类
【自助餐放蛇起底组】九龙湾工业区 $118任食繁忙蒸气锅
杂丸、肠、菜饺~
【自助餐放蛇起底组】九龙湾工业区 $118任食繁忙蒸气锅
蔬菜、菇类、麵等
【自助餐放蛇起底组】九龙湾工业区 $118任食繁忙蒸气锅
汽水任饮,可惜无啤酒~

靓海鲜要听叫咪 排队拎超繁忙

餐纸上面有写部分食材要蒸几耐,如果唔清楚嘅都可以问下店员,佢哋会答到你要蒸几耐。不过就只得大枱有计时器,4人细枱就要自己计时啦。同埋问过店员会唔会可唔可以整个粥底係下面,不过佢哋就话无米~【自助餐放蛇起底组】九龙湾工业区 $118任食繁忙蒸气锅【自助餐放蛇起底组】九龙湾工业区 $118任食繁忙蒸气锅

蚬要蒸4-5分钟就已经开晒口,鲜嫩无沙,洗得好乾净。
【自助餐放蛇起底组】九龙湾工业区 $118任食繁忙蒸气锅
东风螺有阵怪怪嘅味……
【自助餐放蛇起底组】九龙湾工业区 $118任食繁忙蒸气锅
花甲蒸4分钟,一啲沙都无,而且好鲜甜,贝类都唔错喎,可以丧encore!

除咗出面自助嘅海鲜,仲会成日叫咪广播,可以出去排队拎啲更精緻嘅海鲜,例如海虾、花蟹、青龙虾、象拔蚌、扇贝等,不过真係要一听到叫咪就好冲出去啦,条队好长!同埋如果你一开始就俾派去餐厅入啲嘅位置,对你冲出去排队真係好不利,所以如果一入座有得拣嘅就坐出面少少、近自助区嘅座位会着数啲!同埋佢每隔十几分钟就要叫咪,失惊无神,啲嘢食食到一半就要冲出去,都几攰嫁,同埋只係会一人一件咁派,想食多啲可能就要排多几转。

【自助餐放蛇起底组】九龙湾工业区 $118任食繁忙蒸气锅
小编个位比较入,虽然听到叫咪已经即刻冲出去,但已经好多人啦!
【自助餐放蛇起底组】九龙湾工业区 $118任食繁忙蒸气锅
海虾要等叫咪,一人拎一只,好大只+弹牙,不过食一只好唔满足!

如果你唔想排队,可以好似小编咁,因为摄影师拎着劲大部相机係到拍嘢,店员就自己拎咗几碟海碟送俾我哋拍,有2人份量嘅花蟹、青龙虾、象拔蚌、扇贝。

【自助餐放蛇起底组】九龙湾工业区 $118任食繁忙蒸气锅
2人份量嘅花蟹、青龙虾、象拔蚌、扇贝
【自助餐放蛇起底组】九龙湾工业区 $118任食繁忙蒸气锅
唔知蒸几耐可以问店员,象拔蚌就要蒸大约5分钟,食落好弹牙,不过如果再鲜甜啲会更好。
【自助餐放蛇起底组】九龙湾工业区 $118任食繁忙蒸气锅
花蟹如果自己出去拎得1-2只蟹脚咋,份量好少!
【自助餐放蛇起底组】九龙湾工业区 $118任食繁忙蒸气锅
两只扇贝size差好远啊!拎到咩就要睇你好唔好运啦!食落都鲜嘅,仲可以自己去配料到加啲蒜蓉,如果有埋粉丝就perfect啦!
【自助餐放蛇起底组】九龙湾工业区 $118任食繁忙蒸气锅
青龙虾最正,肉质爽弹,劲满足!

总结:

虽然海鲜选择都ok,而且味道唔错,但係精緻少少啲海鲜都要随时留意有无广播,次次都要冲出去排队,有啲攰啰,而且无得好好享受食嘢嘅过程,出面自助区花甲、蚬等等等咗好耐都无refill,要扣分!服务店员都未太上手,做嘢有啲慢但态度都好好啲。不过$118呢个价钱又唔收加一,又真係几抵食嘅,大家如果想去食就记住要book枱啦!

总分:7/10

【自助餐放蛇起底组】九龙湾工业区 $118任食繁忙蒸气锅
环境似屋村酒楼,记住有得拣要坐出啲啊!

【自助餐放蛇起底组】九龙湾工业区 $118任食繁忙蒸气锅

礼记美食中心

地址: 九龙湾常悦道13号瑞兴中心1楼(显示地图)

电话:3188 0244

自助蒸气锅供应时间: 星期一至日,5:30pm-10:30pm

收费: 成人:$118、小童:$75

用餐时间:入座时间起计2小时

备注:不收加一

延伸阅读:

【自助餐放蛇起底组】$188日式放题 自助甜品区+送生蚝

【自助餐放蛇起底组】沙田酒店Tea Buffet!$78任食紫薯朱古力甜品